Virus တွေဘယ်လို အလုပ်လုပ်သလဲ

Virus ဆိုတာလူတွေကို ဒုက္ခပေးတဲ့ Virus နဲ့ ကွန်ပျူတာကို အဖျက်အမှောင့်လုပ်ငန်းတွေ လုပ်တဲ့ Black Program Virus ဆိုပြီးရှိရာမှာ Computer တွေကို ဒုက္ခပေးတဲ့ Program Virus အကြောင်းပါ။ တကယ်တော့ လူတွေက Virus လို့သာ အလွယ်ခေါ်ကြတာ။ Malware, Trojan, Backdoor စသဖြင့် အမျိုးကွဲပေါင်းများစွာနဲ့ ဒုက္ခပေးနေတာတွေ ရှိနေပါသေးတယ်။ သေချာ တာကတော့ အဲဒီ Software လေးတွေဟာ စက်တစ်လုံးမှ တစ်လုံး၊ Memory Stick တစ်ခုမှ အခြားတစ်နေရာ Emailတွေ စသဖြင့် အသုံးပြုသူရဲ့ ခွင့်ပြုချက်မရပဲ သွားလာနေ ကြပြီး ဒုက္ခပေါင်းသောင်းခြောက်ထောင် ပေးနေတယ် ဆိုတာပါပဲ။

Virusအလုပ်လုပ်ပုံ

Virusများသည် စက်များရှိ Data Storeလုပ်သော Data Travellel (Memory Stick) များ၊ Emailတွေမှ တစ်ဆင့် ပြန့်ပွားသွားခြင်းပါ။ နောက်မလိုလားအပ်တဲ့ အဖျက် အမှောင့် လုပ်ငန်းတွေကို အနည်းနဲ့အများ လုပ်တော့တာပါပဲ။

အချို့Virus များသည် Dataတွေကို စနစ်တကျ နေရာရွှေ့ Hidden လုပ်ပြီးမှ အဲဒီဖိုင်တွေ Folder အမည်တွေနဲ့ ပုံစံတူ Virus လေးလုပ်ထားတတ်ကြသည်။ ၎င်း file, floler များကို မသိပဲ Click မိလျှင် ထပ်မံ ပြန့်ပွားမည်။ သိတဲ့လူ လက်ထဲရောက်သွားရင်တော့ Virus တွေကို မရှင်းခင်ပဲဖြစ်ဖြစ် ရှင်းလင်းပစ်ပြီး မှဖြစ်ဖြစ် ပထမရှိနေတဲ့Dataတွေကို ပြန်ပြီး ရယူနိုင်ပါတယ်။

တချို့ Virus တွေကတော့ ဆိုးဝါးစွာ အလုပ်လုပ် ပါတယ်။ Data Travellel တွေလိုမျိုး Storage ထဲမှာ ရှိတဲ့ Data တင်မက Data Travellel ကိုပါ ထပ်ပြီးအသုံးပြုလို့ မရအောင် ဖျက်ဆီးပစ်တတ်တဲ့ Virus တွေလဲ ရှိနေပါသေးတယ်။ အခုချိန်မှာတော့ Virusဆိုတဲ့ နာမည်ကိုကြားရုံနဲ့ အကုန်လုံးက နားလည် သဘောပေါက် နေပြီ ဖြစ်သလို ကြောက်လဲ ကြောက်နေကြပါပြီ။

Virus တွေကို နိုင်နင်းတဲ့ Anti-Virus တွေလဲ ဒီက ဆိုင်တွေမှာ တရားဝင်ဝယ်ယူလို့ရနေပါပြီ။ မြန်မာပြည် ကရေးတဲ့ Virus တွေလည်း happy birthday၊ လွိုင်ကော်၊ အရမ်းချစ်တယ်၊ Mgy FC စသဖြင့် သုံးလေးခုမက ထွက်ပြီးပါပြီ။ ဒီကလူတွေပဲ Removal Tool တွေလဲ ထုတ်ပေးခဲ့ကြတာပါပဲ။ ကဲ Anti-Virus တွေက Virusတွေကို သတ်နိုင်တာတော့ ဟုတ်ပါပြီ။ တစ်ချို့Virusတွေကတော်ရုံတန်ရုံ Anti-Virus တောင်မှ ပေးအိပ်ခိုင်း လောက်အောင် စွမ်းနေတော့ Anti-Virus တွေက မသိတာ တို့ Anti-Virus ကိုတောင် အလုပ်မလုပ်နိုင်အောင် ဖျက်ဆီး နိုင်စွမ်းတွေရှိတဲ့ Virus တွေများ တွေ့ရင် ဘယ်လိုလုပ်ရ ပါ့မလဲ။

အချို့ Software လေးတွေ သုံးပြီး Manual သတ်လို့ ရနိုင်ပါတယ်။ ဟာ Anti-Virus တောင် မနိုင်ပါဘူးဆိုမှ ကိုယ့်ဘာကို သတ်ဖို့ ဘယ်လိုလုပ်ဖြစ်နိုင်မှာလဲ ပြောကြ ပါလိမ့်မယ်။ သို့သော် Virus တွေရဲ့ အလုပ်လုပ်ပုံကို နား လည်ထားမယ်ဆိုရင်တော့ အလွယ်ကြီး မဟုတ်ရင်တောင် မှ Anti-Virus မသတ်နိုင်တဲ့ Virus တွေကို ကိုယ်တိုင် ရှင်းထုတ်နိုင်ပါလိမ့်မယ်။

Windows ကို လူသုံးများတာရယ် Windows ရဲ့ အားနည်းချက်ပေါ်မူတည်ပြီး Windows Virus တွေ အများဆုံးထွက်ပါတယ်။ အခုနောက်ပိုင်းတော့ Mac တွေ iPhone, iTouch တွေမှာပါ Virus တွေ တွေ့နေရပါပြီ။ Nokia လို OS အသုံးပြုထားတဲ့ ဖုန်းတွေမှာလဲ Virus ရှိနေနိုင်ပါတယ်။ Virus တွေရဲ့ အလုပ်လုပ်ပုံ သဘော တရားတူသော်လည်း Virus ရေးသားပုံတွေ မတူညီပါဘူး။ Windows Virus တွေက Mac ပေါ်မှာ အလုပ်လုပ်မှာ မဟုတ်သလို Nokia ဖုန်းပေါ်မှာလည်း အလုပ်မလုပ်ပါဘူး။ (မှတ်ချက်။ Phone နှင့် Computer ချိတ်ဆက်ထားစဉ် Computer Virus မှ Phone အတွင်းရှိ ဖိုင်များကို ဖျက်ဆီး နိုင်သည်။) လောလောဆယ် Virus ရန်က ဝေးတာ ကတော့ Linux OS တွေ ဖြစ်ပါတယ်။

Virus တွေ အကုန်လုံးနီးပါဟာ Computer ကို ဖွင့်ဖွင့်ခြင်း အလုပ်စလုပ်မယ်။ သူ့ကို ရပ်တန့်အောင် လုပ်ဖို့ မလွယ်ကူအောင်လုပ်ထားမယ်။ ဘယ်လိုလုပ်သလဲ ဆိုတော့ Virus တွေဟာ နှစ်ခုနဲ့ အထက် အလုပ်လုပ်နေပြီး တစ်ခုနဲ့တစ်ခု တစ်စက္ကန့်ရဲ့ အချိန်ပိုင်းလေးတွေထဲမှာတင် စစ်ဆေးနေမယ်။ တစ်ခုကို ပိတ်ပစ်ရင် ဒါမှမဟုတ် ဖျက်ပစ် ရင် ကျန်တဲ့ တစ်ဖိုင်ကနေ ပြန်လည်အသက်သွင်းမယ်။ Virus Backup ဖိုင်ကို နေရာတွေ ခွဲသိမ်းထားမယ်။ Backup ဖိုင်ကိုဖျက်ရင် Virus Program ကနေ ပြန်ပြီး Backup ဖိုင်ကိုပြန်ပြုလုပ်မယ်။ မူရင်း Virus ပျက်ရင် Backup ကနေပြန် အသက်သွင်းပါလိမ့်မယ်။

Data Travellel (Memory stick) တွေ၊ Mp3 Player တွေကနေ ပြန့်ပွား ပုံကတော့ Stick တွေ Mp3 တွေထဲကို Virus ဖိုင်နဲ့တကွ Autorun.inf ဆိုတဲ့ ဖိုင်လေးထည့်ပေးပါတယ်။ အဲဒီဖိုင်က ဘယ်လို အလုပ်လုပ်သလဲဆိုရင် Stick ကို Double Click လိုက်ရင် Virus ဖိုင်ကို ခေါ်ပြီး စက်ထဲကို ပြန့်နှံ့စေပါတယ်။ Autorun ကို လေ့လာဖို့တော့ သိပ်မခက်ခဲပါဘူး။ Hidden လုပ်ထားတဲ့ autorun.inf ဖိုင်ကို run box ကနေ x:\autorun.inf ဆိုပြီးခေါ်ရင် အထဲမှာ ရေးထားတာတွေ ဘယ် Virus ဖိုင်ကို ခေါ်ပြီး Run ခိုင်းတယ်ဆိုတာ ပြပါ လိမ့်မယ်။ x: ဆိုတဲ့နေရာမှာ Stick ရဲ့ Drive Letter ကိုထည့်ရမှာပါ။

ဥပမာ D: တို့ E: autorun.inf ထဲမှာ open=virus-name.exe ဆိုပြီး တွေ့နိုင်ပါတယ်။ အဲဒီဖိုင် ကို ဖွင့်ပေးပါလို့ Autorun က အလုပ်လုပ်ပါလိမ့်မယ်။ Vista မှာတော့ အလုပ်မလုပ်ပါဘူး။ အရင် knowledge bridge magazine အမှတ် (4) မှာ autorun ရဲ့ အလုပ်လုပ်ပုံ အသေးစိတ်ကို ရေးထားပါတယ်။ တချို့ Virus တွေ ကတော့ Outlook Express လိုမျိုး Mail Client တွေကလဲ ပြန့်ပွားတတ်ပေမယ့် မြန်မာပြည်မှာ အသုံးမများတဲ့အတွက် သိပ်တော့ ထိခိုက်ခြင်း မရှိပါဘူး။

ကဲ့ USB Virus သတ်နည်းမှာ ဆက်ပြီးလေ့လာကြရအောင်နော်။

မိုး

computer ဗဟုသုတများ,

Rate this posting:

{[['']]}

Posted in: computer ဗဟုသုတများ